Herzlich Willkommen auf der Homepage des 1. Tirol Zuginverein 'Wilder Kaiser'

Seit a paar Jahr' gibt's den Zuginverein
das weascht wohl a Grund zum Feiern sein.
Ins kimmt vie, mia hamb'n eascht gründ't
da sixt wia schnell die Zeit verrinnt.

Jed'n 1. Freitag im Monat gibt's a Treff'n,
für Aktive und Zualoser, dass ah amoi ausgehn derfn,
da weascht musiziascht und diskutiascht,
und so manches neue Stückerl ausprobiascht.

Leut, wenn's enk interessiascht, dann geht's amal mit,
weascht's es sech'n, ehs bereuts es nit,
gspült weascht oft bis spat in d'Nacht -
ah mit die "Förderer" hamma oft a Gaudi gmacht.

In Seinihans a Festl gibt's alle Jahr,
mit Essn, Trinken, Musik und an Tanz sogar,
und mit die best'n Bradakrapfn von ganz Tiroi,
nit z'vergess'n insa Hüttnseminar, da fühln si alle woi.

Die Zugin is scho a bsondas Instrument,
da sein mia recht hoaggl, wia ma si nennt.
Mit da "Ziehharmonika" hamb mia nix am Huat,
aber die Steirische, die g'fallt ins guat.

Inge Pletzer

 

Griaß Enk all mitnand!

Mit Schwung und frischem Wind
schaun mia was' heurige Jahr bringt.

Den frischn Wind, den bringt der Vorstand vom Zuginverein mit,
für den Schwung is jeda oanzelne zuaständig - und an dem fehlts nit -
des homb mia bei de letzten Zugintreffn schon gsechn -
da geht's allweil auf, dass ah andre Leut um'd Eckn spächn.

Nur weita so - mia wünschn ins all vül gemeinsame Stund'n
und recht a Gaudi bei insre Musizier-Rund'n!


Unser aktueller Mitgliederstand:

Aktive Mitglieder 66
Förderer 52


Datenschutzhinweis

Letzte Aktualisierung am: 13-11-2017

This Homepage was designed and written by Gerhard Seeber © 2006
Powered by HAT - Homepage-Administrations-Tool (© Gerhard Seeber 2006)